Служба на память иже святых отца нашего исповедника Амвросия, митрополита Белокреницкого

Месяца октября в тридцатый день, память иже во святых отца нашего исповедника Амвросия, митрополита Белокриницкаго.

Тропарь, глас осьмый.

И нравомъ причастник, и престолом наместник, подобник апостолом быв, деянием обрете богодухновенно боговидения восход. И слово истины исправляя, за правую веру пострадал еси в заточении, святителю Амвросие, Христа Бога моли даровати нам велию милость.

Кондак, глас третий.

Пастырю истинным, и исповедниче Амвросие прехвальне, обрете истину, и добре исполни служение свое, и пострада честно. Сего ради освятися и явися пресветлый служитель Христова евангелия.

Но малой вечерни поставим стихеры на четыре.

Глас первый, подобен Прехвальной мученицы.

Преподобие отче, исправлении твоими,* церковь украсил еси * и веру соблюл еси * и пострада за стадо свое ссылаем * и ныне о чтущих тя * Христови молися * даровати душам нашим * мир и велию милость, (дважды).

Радуются в памяти твоей * собори верных * усердно сошедшеся

* к честней раце мощей твоих * и благодарения возсылают Святей Троице* ей же ныне предстоя* усердно молися* даровати душам нашим * мир и велию милость.

Архиереом удобрение * исповедником слава * учение православное * и древлее благочестие приемыи * и соблюд непоколебимо* и ныне о чтущих тя * Христови молися * даровати душам нашим * мир и велию милость.

Слава, глас шестый. На прославление твое святителю Амбросие, усердно стекшеся вернии, от конец всея земли, молим тя исповедниче Христов, не забуди совершающих память твою.

И ныне, глас тойже. Богородице Ты еси лоза истинная, возрастившая нам плод животныи, молися Владычице со святителем, помиловатися душам нашим.

На стиховне. Глас вторый, подобен Доме Ефрафов.

Пастыря дивна, * поборника православию * похвалим вернии, * любовию блажаще * Амвросия чуднаго .

Уста моя возглаголют премудрость, и поучение сердца моего разум.

Вселение Духа * Святаго был еси * исповедниче честный * архиерею истиный * и пастырь добрый.

Священницы твои облекутся в правду, и преподобнии твои возрадуются.

Столпе истины * премудре Амвросие, * и мира церковнаго * твердое основание, * ублажаем тя.

Слова, подобен тойже.

Последова истине * яко же ти повеле, * Никола дивныи, * и сему подобник бысть * досточудне.

И ныне, подобен тойже.

Нарицается имя, * Сына твоего Владычице * великаго совета

Ангела* Вседержителя, * Его же моли со святителем.

богоноснаго отца нашего Амвросия, * молитбося ныне, * о иже верою приходяідих, * к честней раце мощей его. (трижды).

Верных совокупления, * стекшеся усердно * похвалим честными пении * возлюбившаго Христову истину * и право упасшаго * стадо верных Его овец, (дважды).

Слава, глас вторый. Богоприятне Амвросие, честно путь спасенный совершил еси, Христа возлюбив, и верное его стадо словесных овец, упасл еси, и ныне молися прилежно Святей Троице, о мире и о людех.

И ныне, глас тойже. Прейде сень законная.

Прокимен дню, и чтения святительские.

На литии стихеры, глас 5.

Архиерею преподобный Амвросие, истинный хранителю православия, поборник древняго благочестия, основание церковное, апостолом подражателю, любовию ныне ублажаем тя, исповедниче честный.

Имея душу милостиву, и кроткое смирение, и терпение в напастех, и скорбех и в болезнех, изволи страдати в заточении, неже во временной чести и славе быти, и ныне поминай нас, бодрыми твоими молитвами.

Малое православия стадо, восприял еси честно, укрепляем силою Святаго Духа, архиерею милостиво, и пострада от нечестива царя, избрав заточение, и воистину достоин, прияти венец на небесех, от Христа Бога и Спаса нашего.

Слава, глас седьмыи.

Приидите благодарение принесем Господеви, даровавшаго нам предобраго пастыря, пастырем единоревнителя, Христианом доброе наставление, и молитвенника о нас ко Господу.

По первой стихологии, седален, глас 2.

Веру истинно соблюл еси, и течение совершил еси, блаженне Амвросие, и ныне купно со ангелы моляся Вседержителю, поминай нас, чад твоих, верно сотворяющих память твою. (дважды).

Слава, и ныне.

О всепетая Мати Божия, посети наши немоіди и болезни, и спаси ны от враг видимых и невидимых, к Тебе бо прибегаем раби твои, милосердая Владычице.

По второй стихологии, седален, глас 6.

Светильника светлаго, пастыря истиннаго, Амвросия премудраго память сотворяюще, благодарение приносим Святей Троице и глаголем, молитвами святителя очисти согрешения изшг.(дважды).

Слава, и ныне.

Милосердия двери отверзи нам, благословенная Богородице Дево, надеющеся на Тя не погибнем, но да избавимся Тобою от бед. Ты бо еси спасение роду христианскому.

По полиелеосе седален, глас 1.

Пресветлыи день памяти Амвросия предивнаго наста, вернии добре подвигнемся на молитву и поідение, и благодарственно возопием: слава прославльшему тя, слава умудрившему тя, слава свободившему нас от работы вражия.

Слова, и ныне.

Девая и Мати, покров и помощь, молитвенница и заступница, стена и прибежище, упование христианом, молися о нас грешных, со слезами прибегающих к Твоему заступлению.

Прокимен псалом Давыдов. Уста моя возглаголют премудрость, и поучение сердца моего разум.

В церквах благословите Бога Господа от источник израилев

Евангелие от Иоанна, зачало 35 (от половины) По пятидесятом псалме стихера, глас 6.

Преподобие треблаженне святейший отче, пастырю добрый, не отвержеся истинного православия, и стадо словесных овец добре паствил еси, и ныне поминай нас твоими молитвами, Амвросие блаженне.

Канон, глас 3.

Песнь 1, ирмос. Песнь нову воспоем людие, от Девы рождьшемуся на спасение наше, и совокупльшему с небесными земная, яко прославися.

Запев. Святителю Христов и исповедниче Амвросие, моли Бога о нас.

Собори верных ныне совокупльшеся, от Девы рождьшемуся благодарение принесем, даровавшему нам пастыря премудра Амбросия, яко прославися.

Запев. Вдовая иногда, ныне веселидя Христова церкви, в память треблаженнаго пастыря нашего Амвросия, истину возлюбившаго.

Запев. Да похвалят языцы и людие, подобника и подражателя Христова, терпеливно изгнание понесшаго, и исповедание православия житием совершившаго.

Богородичен. Песнь похвальну от сердца, православниии собори, ныне принесем Божии Матери, молитбося о нас непрестанно ко Господу.

Песнь 3. Ирмос, Утверди мене Господи, Едине Многомилостиво, и простри ми руку яко Петрови, и спаси мя.

Запев. Святителю предивне Амвросие, услыши наша смиреныя молитвы, и простри крепкую руку си помощи, и спаси нас.

Запев. Милостиво и досточюдне пастырю, твоими теплыми к Богу молитвами, утверди неколеблемо православие,и спаси нас.

Запев. Веры истинныя блюстителю, подаждь нам помощь, еже хранити свято и твердо церковное предание и отеческия уставы.

Богородичен. Матерь Божию Тя вси и Деву, вернии потщимся, достойно славословити, да прострет нам руку помощи.

Седален, глас четвертый. Днесь вернии, память сотворяюще светильника правыя веры, благодарение приносим Святей Троице, и глаголем. Отче преблагии, простри нам руку помощи. Сыне Всещедре, прости наша согрешения. Душе Правый, направи стопы наша на путь смирения. Дважды.

Слава и ныне. Богородичен. Днесь Ти припадаем, милостивая Мати Божия, и умильно молящеся глаголем, возвыси рог православных, и утверди непоколеблемо, церковь Сына Твоего и Бога нашего.

Песнь 4, ирмос. Услышав слух твой и убояхся, разумех дела твоя и дивихся, яко Бог сый превечныи от Девы рождься, быв убо человек.

Запев. Подобник апостолом быв, твердую любовь стяжа к Богу, и заповеди Христовы исполни верно, и ныне молися о нас, православно восхваляющих тя.

Запев. Всяк верный да дивится, разумевая благодать божию, ею же Амвросии пречестныи, приведеся к древлему благочестию.

Запев. В сердце си преблаженне, имея благодать и страх божии, ныне и нас настави творити и соблюдати Христовы заповеди.

Богородичен. Услышах слух неизреченнаго ти Дево рожества, и дивяся несказанному Божию милосердию, всяк верный спасается, прибегая к твоей помощи Всепетая.

Песнь Пятая. Ирмос. Твой мир даждь нам. Сыне Божии, иного бо разве тебе Бога не знаем, в вышних со Отцем и Духом славимый.

Запев. От напастей греховных и бед, преблаженне Амвросие, сохраняй и соблюдай присно своим предстательством, чтущих

память твою.

Запев. Святителю преблаженне, молитвами твоими утверди нас, славити верно Пресвятую Троицу, ей же ныне в вышних предстоиши.

Богородичен. Мати святая пресвятаго Господа, всеблаженная Марие, не остави нас грешных и окаянных, прибегающих к покрову твоему.

Песнь Шестая. Ирмос. Глубина страстей восста на мя, и буря противных ми ветров. Но предварив мя спаси Спасе, и изми из тли, яко же спасе от зверя пророка.

Запев. Глубина искушений и страстей, зле обуревает мя, но вопию ти Христе, спаси мя, молитвами святителя твоего, пречестнаго Амвросия.

Запев. Страсти душетленныя, и сомнения бесовские, на ны бурею воссташа, но заступлением исповедника твоего Амвросия, Христе Боже, спаси нас.

Запев. Исповедниче Христов преблаженне Амвросие, сохраняй присно своим предстательством, и святыми твоими молитвами, стадо словесных овец, еже добре паствил еси.

Богородичен. Богородительнице Чистая, всесвятая Мати Господа нашего, сохрани нас грешных и окаянных, от всяких искушений и страстей бесовских, да Тя славим во веки.

Кондак, глас третий. Пастырю истинный, и исповедниче прехвальне, обрете истину, и добре исполни служение свое, и пострада доблественне. Сего ради освятися и явися пресветлыи служитель Христова евангелия.

Икос. Воспоем ныне Амвросия прехвальнаго, православным людем пастыря и учителя, да молитвами его укрепимся во истинней вере. Сей бо прият истину Христову чистым сердцем, и остави вся, и прият малое стадо правоверных, и пострада в заточении содержимь, и тамо преставися ко Христу, и правым исповеданием освятися и явися пресветлыи служитель Христова

евангелия.

Песнь Седьмая. Ирмос. Трие отроцы в пещи Троицу прообразиша, прощение огненное поправше, и хваляще пояху, благословен еси Господи, Боже отец наших.

Запев. Амвросие премудро, исповеданием твоим ты бысть Святей Троице жертва чиста и благоприятна, и взываеши ныне, благословен еси Господи, Боже отец наших.

Запев. Чистым сердцем прият блаженно правду Христову, и апостольское православие, и взываеши присно, благословен еси Господи, Боже отец наших.

Троичен. Прославим вернии Святую Троицу, давшую верным утешение в скорби, пресветлаго Амвросия, и возопием усердно от сердца, благословен еси Господи. Боже отец наших.

Богородичен. Прославим вернии необоримую стену и твердое заступление, преблаженную Богородицу, и возопием присно, благословен еси Господи, Боже отец наших.

Песнь Осьмая. Ирмос. Вещественнаго огня пламень невещественным угасиша, божественнии отроцы пояху, благословите всякая дела Господня Господа.

Запев. Невещественный пламень искушений, и нападения бесовская отрини молитвами твоими от призывающих тя, святителю Амвросие, взывая присно, благословите всякая дела Господня Господа.

Запев. Угасил еси отче, пламень страстей своих, и весь повину себе Христу, ему же поеши присно, благословите всякая дела Господня Господа.

Троичен. О Троице святая. Отче и Сыне и Душе Святый, настави нас на стези спасения и сподоби Тебе пети и взывати присно благословите всякая дела Господня Господа.

Богородичен. О Мати Божия, Марие пресвятая, вразуми нас грешных, со слезами припадающих Ти и сподоби чистым седцем пети присно, благословите всякая дела Господня Господа.

Песнь Девятая. Ирмос. Тебе неопалимую купину и святую Деву, матерь сущую Света и Богородицу, надежду всех нас величаем.

Запев. Тя премудраго учителя и вернаго наставника, поборника отеческаго православия и предстателя за люди согрешшия ко Христу, верно ублажаем.

Запев. Тя исповедника честнаго и правило благочестия, верно похваляем и молим, непрестанно молися Христу о стаде своем.

Троичен. О, Отче и Сыне и Душе Святый, Троице Святая, сохрани нас от всякаго греха, молитвами угодника твоего, пречуднаго Амвросия.

Богородичен. Милостивая верным заступнице, святая Дево, сохрани стадо Сына твоего, от всяких навет вражиих, молитвами угодника твоего, святителя Амвросия.

Светилен. Подобен: посетил ны есть. Избравыи апостольскую веру, святе Амвросие, и прият древлее благочестие, и возстави тобою Господь, православных соборы.

Слава и ныне. С Богом на Тя Пречистая упавание возлагаем. Иже из тебе прошедшему сраспинаеми Христу, своими же к нему мольбами, невредимы даже до конца нас сохрани.

На хвалитех стихеры поставим на четыре, глас осьмый.

Благодарения песнь, и достойное похваление. Тебе Христе приносим, да изволиши помиловати нас, молитвами святителя

Амвросия, (дважды).

Достоблаженне отче, твердое веры исповедание, принесе

Христови, и молишися ныне, о стаде его верных овец, сотворяющих память твою.

Собори верных, усердно стекшеся, достойно восхвалим память святителя, ревнителя истины, и поборника православия, преблаженнаго Амвросия.

Слава, глас вторый.

Память праведника сотворяюще честно, восхвалим достойно подвиги и труды и болезни, пресветлаго исповедника, достоблаженнаго Амвросия, избравшаго древлее благочестие и апостольскую истину, и честно сохраньшаго избранное Христово

стадо, и ныне предстоящего Христови, моляся о всех нас.

И ныне, глас той же.

Все упование к тебе возлагаю, Мати Божия, сохрани мя во своем

си крове.

Апостол: дню и к евр. посл. ап. Павла 318 (первая часть)

Евангелие: дню и от Иоанна 36 зачало.

Чтобы не пропускать интересные новости и статьи Подписывайтесь на канал ПОНОМАРЬ | Яндекс Дзен и в группу ПОНОМАРЬ в Контакте или Твиттер (28) Одноклассники ПОНОМАРЬ